Vjen ndëshkimi, Elseid Hysaj do të mungojë ndaj Atalantës
22/08/2017 00:00
Everton fiton derbin dhe nxjerr Liverpoolin nga gara e titullit, United triumf me përmbysje 24/04 23:21
Mbrojtësi i kombëtares shqiptare të futbollit, Elseid Hysaj ra viktimë e teknologjisë në ndeshjen e fundit të zhvilluar me Napolin, pasi as pamjet filmike nuk e shpëtuan nga përjashtimi, që më pas rezultoi i padrejtë.
Futbollisti shkodran shkaktoi penallti me një ndërhyrje të parregullt në zonën e Napolit, duke u dënuar nga arbitri, e tani vjen ndëshkimi i pritshëm.
Elseid Hysaj do të mungojë një ndeshje, pas përjashtimit ndaj Veronës në ndeshjen e parë të jugorëve në Serie A. Kështu, mbrojtësi kuqezi nuk do të mund të jetë në derbin kuqezi ndaj portierit Etrit Berisha, kur Napoli të përballet me Atalantën.
Ndërkohë, gjykatësi sportiv vendosi të gjobisë me 30 mijë euro Veronën, për shkak të koreve raciste ndaj tifozëve të Napolit dhe qytetit jugor. 20 mijë euro gjobë edhe për Romën, për lëshimin e tymueseve dhe flakadanëve, si dhe 10 mijë për Interin, si rezultat i koreve diskriminuese në “San Siro”.
Top Channel
