Qindra persona druhet se kanë humbur jetën, ndërsa shumë të tjerë janë të bllokuar, si pasojë e një rrëshqitjeje të madhe dherash në kryeqytetin e Sierra Leones, Freetown.
Një kodër në zonën Regent u shemb të hënën pas disa shirash të rrëmbyeshëm, duke bërë që shumë shtëpi të mbuloheshin nga balta.
Sipas korrespondentëve në zonë, shumë njerëz kanë qenë në gjumë kur ndodhi rrëshqitja e dheut.
Numri i viktimave nuk është ende i ditur, por zëvendëspresidenti i Sierra Leones tha se druhet për qindra viktima.
Agjencia e lajmeve “AFP” raporton ndërkohë se, të paktën 180 vetë kanë humbur jetën. Dhjetëra trupa janë nxjerrë deri më tani.
Shërbimet e emergjencave ndodhen në vendngjarje, në përpjekje për të shpëtuar njerëzit e bllokuar në shtëpitë e tyre. Përmbytjet nuk janë të pazakonta në Sierra Leone, ku shtëpitë – që shpeshherë nuk përmbushin kushtet e duhura të sigurisë, – rrëmbehen nga shirat e rrëmbyeshëm.
Në vitin 2015, Freetown përjetoi përmbytje vdekjeprurëse të shkaktuara nga shirat e rrëmbyeshëm, që u morën jetën 10 personave dhe lanë mijëra të pastrehë.
Top Channel
