Ministri i Brendshëm Dritan Demiraj ka qënë në drejtorinë vendore të Vlorës, ku ka takuar drejtuesit dhe efektivët e dy operacioneve të fundit të kapjes së tonelatave me kanabis.
Operacionet policisë në qarkun Vlorë do të thellohen deri në pastrimin e plotë të sasive të mëdha të kanabisit të grumbulluara në dy vitet e fundit dhe kapjen e kokave të narkotrafikut.
Ministri Demiraj inspektoi repartin elitë të policisë shqiptare “Delta Forcë”. Rritja e kontrollit kufitar dhe bregdetit kundër trafikimit të lëndëve narkotike dhe gjithë trafiqeve të paligjshme është prioritet i qeverisë ka vënë në dukje ministri.
Prej disa ditësh ministri i Brendshëm Demiraj ka zbritur në terren për të koordinuar përpjekjet e qeverisë dhe strukturave të zbatimit të ligjit për kontrollin e territorit, hapësirës ajrore dhe vijës bregdetare.
Top Channel
