Edhe dy senatorë republikanë kanë shprehur qëndrimin kundër planit të partisë së tyre për të zëvendësuar reformën shëndetësore të ish-presidentit Obama, duke bërë që projektligji të mos kalojë dot në variantin aktual.
Mike Lee dhe Jerry Moran deklaruan se ligji i ri nuk përmban të gjitha kreditet për të zëvendësuar atë të administratës së mëparshme.
Republikanët kanë qenë të përçarë lidhur me këtë çështje, me eksponentët e moderuar që kanë shprehur shqetësimin për efektet e ligjit të ri tek shtresat më të dobëta.
Nga ana tjetër, presidenti Donald Trump e kishte shfuqizimin e “Obamacare” një pikë kyçe të fushatës së tij.
“Për fat të keq, duket qartë se përpjekja për të shfuqizuar dhe zëvendësuar menjëherë dështimin e “Obamacare” nuk do të ketë sukses”, ka deklaruar gjithashtu lideri i shumicës në Senat, Mitch McConnell.
Projektligji i republikanëve mban pikat kyçe të ligjit të Obamës sa i takon taksave për të pasurit, ndërsa u lejon kompanive të sigurimit të mbulojnë më pak dhe bën shkurtime drastike për ofrimin e shëndetësisë për të varfërit.
Me dy kundërshtimet e fundit, republikanët, të cilët kanë 52 nga 100 ulëse në Senat, nuk kanë më shumicën e nevojshme për të kaluar ligjin.
Lee dhe Moran njoftuan njëkohësisht vendimin e tyre, duke u bashkuar kështu me senatorët Rand Paul dhe Susane Collins, që ishin gjithashtu kundër pr/ligjit.
Top Channel
