Ndërron jetë Nicky Hayden

22/05/2017 00:00

Nicky Hayden nuk ia doli të mbijetonte në garën më të vështirë të jetës, duke humbur betejën ku ishte impenjuar prej ditësh në një spital italian, pas një aksidenti që rezultoi fatal.

Piloti i njohur i garave me motorë u plagos rëndë në kokë në 17 Maj në zonën e Mizano-Adriatiko ndërsa udhëtonte me biçikletë, dhe lëndimet e shumta sollën ndarjen para kohe nga jeta.

35 vjeçari që fitoi titullin kampion bote në vitin 2006 dhe ofroi për sezone me radhë rivalitet me pilotë më të mirë si Rosi, Biaxhi dhe Lorenco, u aksidentua nga një shofer që në ditët ën vijim, u konfirmua se nuk ishte fajtor.

Trupi i Niki Hejdën u dëmtua gjatë përplasjes me hemoragjinë cerebrale si problemin më të rëndë që i mori dhe jetën. Amerikani Nicky Hayden zhvilloi në total 218 gara që prej debutimit në vitin 2003 me Hondën.

Ai do të mbahet mend për grintën në pistë, dhe për suksesin fantastik të vitit 2006 në dëm të një veterani si Valentino Rosi. pasi mbylli aventurën në MotoGP, ai kaloi në kampionatin e Superbike  me Hondën, ku sezonin e  fundit e mbylli në vendin e 5.

Top Channel

Top Channel/ Tensionet ruso-ukrainase, drejt Detit të Zi nisen luftanije britanike
Top Channel/ NASA teston helikopterin e parë në Mars
Top News – Parandalohet vrasja e çiftit/ Policia e Tiranës jep detajet se si nisi konflikti
Top News – Shpërthimi me eksploziv/ Fushë Krujë, policia shoqërohen disa të dyshuar
Rusia dëboi nga vendi 20 diplomatë cekë të cilët janë urdhëruar të largohen, si masë shpaguese ndaj largimit që republika ceke i bëri të shtunën 18 diplomatëve rusë. Vendimi i Pragës erdhi pas një hetimi që tregoi pas shpërthimit të një depoje municionesh në Ceki, qëndronte Moska. Kjo e fundit i dha diplomatëve çekë një ditë kohë për t’u larguar, ndërsa Praga u dha rusëve 48 orë. Ministria e Jashtme ruse e cilësoi vendimin e çekëve si “të pashembullt” dhe si “akt armiqësor”. “Me dëshirën për të kënaqur Shtetet e Bashkuara, pas sanksioneve të fundit të SHBA-së kundër Rusisë, autoritetet çeke madje i tejkaluan udhëzuesit e tyre”, thuhej në një deklaratë të saj, ku cilësoheshn si të pabaza dhe absurde pretendimet e çekëve se diplomatët rusë janë operativë të inteligjencës. Shtetet e Bashkuara thanë se qëndrojnë krah Republikës Çeke lidhur me vendimin për të dëbuar diplomatët rusë. “SHBA qëndron me Republikën Çeke në përgjigjen e saj të vendosur kundër veprimeve keqdashëse të Rusisë në tokën e çeke”, shkruante zëdhënësi i Departamentit të Shtetit Ned Price në Twitter. “Ne duhet të veprojmë në mënyrë të vendosur në përgjigje të veprimeve ruse që vënë në rrezik integritetin territorial, sigurinë energjitike ose infrastrukturën kritike të aleatëve dhe partnerëve tanë”, shtoi ai. Cekia sqaroi se ka informuar aleatët e NATO-s dhe Bashkimit Evropian në lidhje me përfshirjen e dyshuar ruse në një shpërthim depoje municionesh në vitin 2014 dhe çështja do të trajtohet në një takim të ministrave të jashtëm të BE-së.
Top Channel/ SHBA kërcënon Rusinë, “ Po vdiq Navalny, do të ketë pasoja”