Sevilla, kundërshtari i fundit në “Bernabeu”. Vendimtare për titullin

12/05/2017 00:00

Në ndeshjen e fundit para publikut vendas, Reali i Madridit do të kërkojë të mos gabojë, në një hap që mund të rezultojë vendimtar për titullin.

Të dielën, në tempullin e “galaktikëve” zbarkon Sevilla. Kryeqytetasit, me një sy te Barcelona që luan në të njëjtën orë me Las Palmas, do të kërkojnë të paktën të mbajnë bashkëkryesimin me katalanasit.

Uellsiani Gareth Bale është ende i dëmtuar dhe do të mungojë, së bashku me Carvajal. Por trajneri Zidane do të hedhë në fushë formacionin më të mirë, që përfshin dhe Cristiano Ronaldon, emblema e Realit që mungoi në dy përballjet e fundit në La Liga.

Portugezi do të ketë mbështetjen e James Rodriguez, falë formës fantastike që po kalon kolumbiani, me 5 gola në 4 sfidat e fundit të “Los Blancos”.

Në një formacion hipotetik, ndaj andaluzianëve, skuadra “merengues” do të ketë gjithashtu Morata dhe Asensio në repartin sulmues. Për Realin nuk janë programuar më ndeshje të tjera jashtë kampionatit, deri në finalen e madhe të Championsit, më 3 qershor. Pas përballjes me Sevillan, kryeqytetasit do të luajnë në mesjavë kundër Celta Vigo.

Skuadra e Zinedine Zidane ka në dispozicion një ndeshje më shumë sesa Barcelona, ekip me të cilin ka kuotë të njëjtë pikësh, por golavarazh më të keq.

Top Channel

Rusia dëboi nga vendi 20 diplomatë cekë të cilët janë urdhëruar të largohen, si masë shpaguese ndaj largimit që republika ceke i bëri të shtunën 18 diplomatëve rusë. Vendimi i Pragës erdhi pas një hetimi që tregoi pas shpërthimit të një depoje municionesh në Ceki, qëndronte Moska. Kjo e fundit i dha diplomatëve çekë një ditë kohë për t’u larguar, ndërsa Praga u dha rusëve 48 orë. Ministria e Jashtme ruse e cilësoi vendimin e çekëve si “të pashembullt” dhe si “akt armiqësor”. “Me dëshirën për të kënaqur Shtetet e Bashkuara, pas sanksioneve të fundit të SHBA-së kundër Rusisë, autoritetet çeke madje i tejkaluan udhëzuesit e tyre”, thuhej në një deklaratë të saj, ku cilësoheshn si të pabaza dhe absurde pretendimet e çekëve se diplomatët rusë janë operativë të inteligjencës. Shtetet e Bashkuara thanë se qëndrojnë krah Republikës Çeke lidhur me vendimin për të dëbuar diplomatët rusë. “SHBA qëndron me Republikën Çeke në përgjigjen e saj të vendosur kundër veprimeve keqdashëse të Rusisë në tokën e çeke”, shkruante zëdhënësi i Departamentit të Shtetit Ned Price në Twitter. “Ne duhet të veprojmë në mënyrë të vendosur në përgjigje të veprimeve ruse që vënë në rrezik integritetin territorial, sigurinë energjitike ose infrastrukturën kritike të aleatëve dhe partnerëve tanë”, shtoi ai. Cekia sqaroi se ka informuar aleatët e NATO-s dhe Bashkimit Evropian në lidhje me përfshirjen e dyshuar ruse në një shpërthim depoje municionesh në vitin 2014 dhe çështja do të trajtohet në një takim të ministrave të jashtëm të BE-së.
Top Channel/ SHBA kërcënon Rusinë, “ Po vdiq Navalny, do të ketë pasoja”
Top News – Rrëfimi i një patronazhisti/ Si mblidhen të dhënat sekrete për PS
Top News – Belinda Balluku në garën e Kombinatit/ Fushata e ministres që kërkon mandatin si deputete
Top News – Kandidati demokrat në Korçë/ Fushata e Salianjit derë më derë te qytetarët
Top News – Votimi i emigrantëve/ Dështim i politikës edhe në këto zgjedhje