Vlorë, punohet edhe në një aks paralel me Lungomaren
30/04/2017 00:00
Përkeqësimi i kushteve atmosferike, ndalohet çdo dalje në det e mjeteve lundruese në Sarandë 29/08 20:27
Një aks i ri paralel me “Lungomaren” është në përfundim dhe pritet të lehtësojë qarkullimin për pushuesit këtë verë në Vlorë.
Siç tregojnë edhe pamjet nga ajri, po punohet intensivisht në 3 segmente të aksit “Poliklinika”–“7 pallatet”-“Dhimitër Konomi”.
Pas inspektimit në terren të punimeve për hapjen e unazës ishte drejtori i Fondit Shqiptar të Zhvillimit dhe pas verifikimeve të kryera me ekipin e inxhinierëve dhe firmat që po realizojnë punimet në të, u vlerësua se hapja e këtij segmenti për qarkullim do të ndodhë para fillimit të sezonit të ri turistik, gjë që pritet t’i japë fund edhe problemeve që kanë shoqëruar ndërtimin e shëtitores me bllokime rrugësh dhe vonesa.
Fondi Shqiptar i Zhvillimit, me fondet e qeverisë shqiptare dhe donatorëve, aktualisht po zbaton 9 projekte madhore infrastrukture dhe zhvillimi urban në qytetin e Vlorës, për një vlerë prej rreth 26 milionë eurosh.
Ndër to janë shëtitorja e madhe me të gjithë komponentët e saj, unaza e qytetit, rruga Transballkanike dhe hapësirat urbane përreth.
Segmenti më i ri që ka filluar nga puna është rruga e Pyllit të Sodës, e cila pritet të lehtësojë lëvizjen për banorët e zonës, si dhe për mjetet e rënda që lëvizin në këtë segment. Punimet për shëtitoren buzë detit pritet të përfundojnë para sezonit turistik. Ky ishte premtimi që ambasadorja e BE-së, si një ndër donatorët, mori gjatë vizitës së fundit në Vlorë.
Top Channel
