Besart Berisha, në histori. 100 gola në Australi
14/04/2017 00:00
MotoGP, Ducati kthehet te suksesi, Alex Marquez fiton në Jerez, rrëzohet Marc Marquez 26/04 16:40
Besart Berisha ka fituar me meritë një vend nderi në Ligën australiane, për shkak të numrit të madh të golave dhe protagonizmit absolut në vitet e fundit.
Ish-futbollisti i kombëtares shqiptare, tashmë në radhët e përfaqësueses së Kosovës, u bë lojtari i parë që arrin shifrën e 100 golave në “A-League”.
Arritja historike e futbollistit të lindur në Prishtinë erdhi në suksesin e Melbourne Victory ndaj Central Coast Mariners, teksa sulmuesi shqiptar shënoi në minutën e 80 golin e vetëm.
Goli i parë i Besart Berishës në kampionatin australian erdhi në “Allianz Stadium”, në përballjen kundër Sidneyt në vitin 2011. Mesatarja e lojtarit ishte gjithnjë e shkëlqyer, deri në golin e 100-të në ndeshjen e 155-të të luajtur.
Berisha nuk shënonte që prej 11 marsit dhe goli e ndihmon të përforcojë kreun e shënuesve më të mirë këtë sezon, ndërsa ndjek një tjetër “Këpucë të Artë”.
Top Channel
