Propozimi i qeverisë: Ervin Koçi në krye të AMF-së
05/04/2017 00:00
Qeveria i propozon Kuvendit të Shqipërisë kandidaturën e Ervin Koçit për drejtimin e Autoritetit të Mbikëqyrjes Financiare. Zoti Koçi dha dorëheqjen si deputet i Partisë Socialiste pak javë më parë.
Ai ka qenë i zgjedhur për dy legjislatura në qarkun Fier, ndërkohë që ka qenë edhe anëtar i komisionit parlamentar të ekonomisë.
Kandidatura e tij vjen pas shkarkimit nga Kuvendi të ish-drejtores ekzekutive të AMF, Enkelejda Shehu.
Drejtori ekzekutiv i Autoritetit të Mbikëqyrjes Financiare është njëkohësisht edhe anëtar i bordit të këtij institucioni dhe ka një mandat 5-vejçar.
AMF monitoron të gjithë tregun jo bankar në vend, që nga sigurimet, pesnionet private deri tek fondet e investimeve.
Top Channel