Një ndeshje spektakolare është zhvilluar sot në “Etihad Stadium”, midis Manchester City dhe Liverpool.
Të dy ekipet janë në garë për të siguruar një vend në Ligën e kampionëve, sezonin e ardhshëm dhe marrja e tre pikëve ishte mjaft e rëndësishme.
Pjesa e parë përfundoi në barazim pa gola, pavarsisht se të dyja ekipet tentuan disa herë të shënojnë.
Në minutën e 51-të, Liverpool kalon në avantazh, me një 11-metërsh të ekzekutuar saktë nga James Milner.
Vendasit u hodhën në kërkim të golit të barazimit dhe arritën ta gjejnë atë me sulmuesin kryesor, Aguero, në minutën e 69′.
Minutat në vijim ishin vërtetë spektakolare, me aksione të bukura, nga të dy ekipet, por pa arritur të shënojnë golin e fitores.
Top Channel
