Skuadra e Tiranës nuk ka mundur të rikthehet te fitorja as në ndeshjen e kësaj të shtunë ndaj Korabit. Ndeshja u zhvillua në “Loro Boriçi” dhe u mbyll në barazim 1-1.
Tirana nuk fiton që prej 18 dhjetorit të vitit të kaluar në kategorinë Superiore. 6 ndeshje pa fitore në një fazë janë shumë për një skuadër që ka fituar 24 herë titullin kampion.
Dy golat e kësaj ndeshje u shënuan brenda 5 minutave. Në të 40-n shënoi Kaja për Korabin, ndërsa në fundin e pjesës së parë barazoi Ede.
Një barazim që ndoshta nuk i bën shumë punë Korabit, por të paktën ndikon në moralin e skuadrës, në ndryshim nga Tirana, që përveç pikëve vazhdon të humbasë dhe moralin.
Ndërkohë, në barazim u mbyll edhe ndeshja tjetër mes Luftëtarit dhe Vllaznisë. Por në ndryshim nga Korabi-Tirana në këtë ndeshje rrjetat mbetën të paprekura.
Top Channel