Bolt duhet të rikthejë një medalje ari!
25/01/2017 00:00
Lëvizje në Premier League, Maresca drejt Manchester City nëse largohet Guardiola 24/04 10:39
Usain Bolt duhet të rikthejë një prej medaljeve olimpike të arta, pasi një prej shokëve të skuadrës, Nesta Carter, ka rezultuar me doping! Carter ishte pjesë e skuadrës xhamajkane, që fitoi garën 4×100 metra stafetë, në Lojërat Olimpike “Pekin 2008”.
Ai ishte një prej 454 atletëve të ritestuar për doping nga Komiteti Ndërkombëtar Olimpik, vitin e kaluar, dhe është zbuluar se në kampionin e urinës së tij kishte një stimulant të quajtur “methylhexaneamine”.
Vitin e kaluar, në Rio de Janeiro, Bolt realizoi “triplo-tripletën”, pasi fitoi medalje ari në garën e 100 metrave, 200 metrave dhe stafetën 4×100 metra, duke përsëritur sukseset e njëjta të realizuara në Olimpiadat e vitit 2008 dhe 2012.
Por rekordin ia prishi 31-vjeçari Carter, i cili ishte gjithashtu pjesë e skuadrës xhamajkane, në Londër 5 vite më parë.
Medaljen e artë për garën, tashmë e ka marrë Trinidad Tobago, ndërsa Japonia zuri vendin e dytë e Brazili të tretin.
Top Channel
