Kushtetuta e re hyn në fuqi, por nuk zbatohet dot
11/08/2016 00:00
Fjalim 60 minuta, Ilir Meta zbutet me SPAK pas presionit të SHBA e BE. Kreu i PL gjen armikun në parti, shpall Monikën kryetare të grupit armiqësor 19/04 20:35
Ndryshimet kushtetuese për Reformën në Drejtësi hynë në fuqi mesditën e kësaj të enjteje, pasi u mbushën 15 ditë nga botimi në Fletoren Zyrtare.
Sipas përcaktimeve të reja, organi i parë që duhet të zgjidhet deri të martën e ardhshme është Këshilli i Emërimeve në Drejtësi, por Presidenti Nishani konstatoi se ka një ngërç për zbatimin e Kushtetutës.
Shkak është bërë mungesa e ligjit, i cili përcakton kriteret kualifikuese të kandidatëve për Këshillin e Emërimeve në Drejtësi. Presidenti ka bërë disa konsultime për të gjetur mirëkuptimin e të gjitha grupeve parlamentare, për mënyren sesi do t’i japë zgjidhje ngërçit kushtetues.
Por, sido që të jetë vendimi, ligji përkatës ende nuk është gati. Nga 7 ligjet e paketës së emergjencës, vetëm ligji i “vetting”-ut është përgatitur për fazën e diskutimit, që do të thotë se ndryshimet kushtetuese janë larg fazës së zbatimit edhe për të paktën dy muaj.
Top Channel
