Manchester City dhe gara për statistikat. Përzgjidhen 100 “hacker”-a

Në kontrast me mendimet e trajnerit turk, skuadra e Manchester City ka organizuar konkursin më të madh për një analist ndeshjeje futbolli, duke hapur ankandin për të gjithë ata që kanë njohuri mbi analizën dhe verifikimin e të dhënave.

Konkursit të “Citizens” iu përgjigjën me mijëra persona, nga të cilët janë përzgjedhur 100. Mes tyre ka piratë kibernetikë, analistë të dhënash bankare, e shumë të tjerë. Eksperimenti unik për një skuadër futbolli do të nisë fundjavën e ardhshme, kur Mancester City do të ndajë me garuesit të dhënat e 10 ndeshjeve të sezonit të kaluar.

Këtu përfshihen goditjet në portë, krosimet, ndëshkimet, golat dhe kilometrat e secilit lojtar, ndërsa në total janë 52 milionë numra që do të përzgjedhin më të mirët, për të qenë në stafin e trajnerit Guardiola. Gjithçka do të përfshihet në një parakontratë për të ruajtur sekretet nga aplikantët.

Për një të apasionuar futbolli me notën 5 në matematikë, kjo është si të shikosh sekuencat numerike të filmit “Matrix”, por për të apasionuarit e inteligjencës artificiale, kjo është parajsa tokësore e mirëpaguar në një klub të madh futbolli.

Top Channel