Rumani, gjykata mban “abuzimin zyrtar” vepër penale
17/06/2016 00:00
Serbia ndalon një ish-pjesëtar të Policisë së Kosovës 08/06 13:48
Gjykata Kushtetuese në Rumani ka vendosur unanimisht të mbajë “abuzimin me anë të detyrës” një vepër penale, duke hedhur poshtë përpjekjet e disa zyrtarëve të paditur për të dobësuar fuqinë e ligjit.
Sipas agjencisë së lajmeve “Reuters”, kodi penal rumun e përcaktonte abuzim me anë të detyrës për zyrtarët shtetërore që nuk bëjnë detyrën ose që nuk e bëjnë në mënyrën e duhur duke shkaktuar dëme të rënda.
Së fundmi, gjykata vendosi të zëvendësojë frazën “nuk e bëjnë detyrën në mënyrën e duhur” me “shkelje të ligjit”.
Duke ndryshuar përcaktimin, akuza do të aplikohet për ato raste kur “zyrtarët publikë shkelin ligjin” dhe jo kur “shkaktojnë dëme duke mos bërë detyrën në mënyrën e duhur”.
Vendimi vjen si një përgjigje ndaj një rasti ku disa zyrtarë përballen me akuzën në fjalë. Dekriminalizimi i akuzës do të sillte një shfajësim automatik dhe do të mbronte autoritetet nga rekuperimi i qindra milionë eurove në dëme të shkaktuara.
Rumania është konsideruar si një nga shtetet më të korruptuara në Bashkimin Evropian nga Transparency International dhe sistemi i saj i drejtësisë është nën monitorimin e Komisionit Evropian.
Por prokuroria rumune anti-korrupsion ka fituar çmimin europian për hetimin e ministrave, deputetëve, biznesmenëve, kryebashkiakëve dhe prokurorëve e gjyqtarëve.
Top Channel
