Altin Lala konfirmon: Rashica nën radarin e 6 ekipeve të mëdha
15/06/2016 00:00
E ndau se ishte “i përsosur”, Kaka i përgjigjet ish-it: Mos detyroni askënd të qëndrojë me ju 16/04 08:10
Në një intervistë për faqen italiane Tuttomercatoweb, ish kapiteni i kombëtares shqiptare i cili mbron interesat e talentit e Vitesses bëri me dije se për 19-vjeçarin nga Vushtria ka interes jo vetëm nga Italia, por edhe nga kampionati gjerman.
Ish-futbollisti i Hannover-it, nënvizoi se ai është kontaktuar nga drejtuesit e shumë skuadrave të cilat duan të kenë shërbimet e sulmuesit të Vitesses.
Lazio dhe Napoli në Italia, Ajax dhe Psv Eindhoven në Holandë si dhe Hamburgu e Schalke të gjitha këto ekipe kanë shfaqur interes për Rashicën, nënvizoi Altin Lala në intervistën e tij për Tuttomercatoweb.
Më tej ish trajneri i kombëtares shqiptare të 19-vjeçarëve, shtoi se për tia shkëputur 19-vjecarin Vitesses klubet e interesuara duhet të bëjnë një ofertë që varion nga 6 deri në 7 milionë Euro.
Sipas agjentit të talentit shqiptar Rashica meriton të luajë në një klub të madh, pasi gjatë sezonit të kaluar ka treguar se është një futbollist me shumë vlera.
Një mendim i Altin Lalës, shkoi edhe për mosgrumbullimin e Milot Rashicës në Euro 2016-të nga trajneri i kombëtares kuqezi Gianni De Biasi.
“Është një mëkat por ai ka edhe shumë vite karrierë përpara, në moshën 19-vjeçare ka treguar se është një talent i madh.”
Top Channel
