Desailly presion Deschampsit: Po s’fitove me Shqipërinë, ik në shtëpi

08/06/2016 00:00

Marcel Desailly mendon se Franca do të duhet të përballet me presionin për të fituar dy ndeshjet e para të grupit, atë kundër Rumanisë dhe ndaj Shqipërisë.

Ish-lojtari kampion bote thotë se ka respekt për këto dy skuadra, por “gjelat” janë të detyruar të fitojnë, ndryshe do të duhet të shohin vazhdimin e Europianit në shtëpi.

Edhe pse formula e këtij Europiani lejon që edhe me një fitore të vazhdosh garën, për Desailly kjo nuk duhet të vlejë për Francën, skuadrën mikpritëse, e cila duhet të bind që në start.

“Jam shumë kurioz të shoh rreshtimin e skuadrës, taktikat… se si ata do ta përballojnë presonin e të qenit mikpritësit e Europianit. Shumë përgjigje do të marrim që në ndeshjen e parë. Mendoj se me këtë skuadër që kemi duhet të mundësh Rumaninë, ndryshe mbaroi gjithçka. E njëjta histori edhe më Shqipërinë, nëse nuk e mund, atëherë ka përfunduar vërtet”, tha Desally që duket se paralajmëron trajnerin Didier Deschamps.

Top Channel