Kosovë, Vetëvendosje heq dorë nga bojkoti. Kthehet në Kuvend

“Do ta bëjmë opozitën siç është bërë përherë. Vetëvendosje ka qenë vazhdimisht kundër daljes së opozitës jashtë Kuvendit. Ne e kemi konsideruar këtë të dëmshme. Sot po shihet se, efekti i mospranisë së opozitës në Kuvend është negativ. Bërja e opozitës në Kuvend është pengesë për vendimet e dëmshme”, tha Ymeri.

Ndërkohë, Glauk Konjufca ka bërë të ditur se opozita do të vazhdojë kundërshtimin e dy projekteve të sjella nga Qeveria e Kosovës, e këtu bëhet fjalë për Asociacionin dhe Demarkacionin.

“Subjektet opozitare kanë qëndrime të njëjta për mospranimin e Demarkacionit dhe ‘Zajednicës’. Jemi të shqetësuar me deklaratat e fundit të ministrave dhe zyrtarëve, që po kërkojnë ta sjellin punën e Demarkacionit në Kuvendin e Kosovës. Ne mendojmë se, kur të vijnë këto projekte dhe kur t’u vijë radha, qëndrimi i opozitës jashtë Kuvendit e bën të padobishme luftën ndaj tyre. Nuk do të hezitojmë të bashkëpunojmë me subjektet e tjera opozitare, për t’i bashkërenduar hapat tona”, tha Konjufca.

Top Channel