Kombëtarja e femrave shënon humbjen e 7 radhazi
02/06/2016 00:00
Everton fiton derbin dhe nxjerr Liverpoolin nga gara e titullit, United triumf me përmbysje 24/04 23:21
Shqipëria pësoi humbjen e shtatë radhazi në fazën paraeliminatore të kampionatit europian për femra, këtë herë përball Rumanisë me rezultatin 0-3, e para kjo nën drejtimin e trajnerit Armir Grima që zëvendësoi në këtë detyrë të dorëhequrin Altin Rraklli.
Në “Elbasan Arena” Rumania rrezikoi që në minutën e parë deri në fund. Rrjedha e lojës ndryshoi në minutën e 42-të kur skuadra mike kaloi në avantazh pas një goditje standarde perfekte.
Goli i dytë shënohet në të njëjtën formë nga e njëjta sportiste. Në minutën e 75-të Shqipëria pëson edhe golin e tretë duke thelluar akoma më shumë rekordin negativ në këto pareliminatore.
Vajzat e ekipit tonë përfaqësuese ndodhen në grupin e 3-të në vendin e fundit me 0 pikë pas 7 ndeshjesh. Takimi i radhës do të luhet më 20 shtator në transfertë ndaj Francës.
Top Channel
