Talenti shqiptar Rei Manaj vijon të çudisë mediat italiane. Pas një sezoni të mirë me Interin 19-vjeçari shqiptar i është bashkuar të rinjve zikaltër të cilët janë në luftë për titullin.
Në çerekfinalen e së premtes zikaltërit e rinj kanë mundur pas gjuajtjeve të penalltive Palermon duke siguruar një vend në gjysmëfinale.
Ashtu edhe siç pritej, shkruajnë mediat italiane, Rey Manaj ka shkëlqyer duke shënuar 2 gola gjatë kohës së rregullt të lojës dhe ekzekutimin perfekt të penalltisë së parë për Interin.
Rezultati i kohës së rregullt përfundoi me rezultatin 2-2, me dy golat e Manaj që sollën dy herë barazimin pët zikaltërit e rinj të Interit, ku shqiptari kapi edhe një traversë.
2 gola të shpejtë u shënuan edhe kohën shtesë duke e çuar ndeshjen drejt 11-metërshave, ku Interi i Manaj triumfoi 5-3.
Top Channel
