Të paktën 60 persona të plagosur, 6 prej të cilëve rëndë, është bilanci i fundit i tërmetit me magnitudë 5.5 ballë që sot goditi Tibetin.
Lajmin e kanë bërë të ditur autoritetet lokale, të cilat kanë saktësuar se epiqendra e lëkundjes është verifikuar në afërsi të kufirit me provincën kineze Kinghai.
Tërmeti, i verifikuar në 09:15 me orën lokale, ka shkaktuar edhe shembjen e ndërtesave dhe dëmtimin e urave e rrugëve, duke vështirësuar mbërritjen e skuadrave të shpëtimit në fshatrat përreth epiqendrës.
Ndërkohë, mediat kineze kanë raportuar edhe për rrëshqitje toke. Rajoni, që ndodhet në këmbët e zinxhirit malor të Himalajeve, është një zonë me dendësi sizmike dhe në vitin 2010 një tërmet në prefekturën fqinje Jushu shkaktoi rreth 3 mijë të vdekur.
Top Channel
