SHBA: Valë e paprecedentë “luftëtarësh të huaj” në Europë
11/05/2016 21:35
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një valë e paprecedentë e atyre që njihen si “luftëtarët e huaj” ka vërshuar në Europë. Alarmi është dhënë nga përgjegjësja e antiterrorizmit në Shtëpinë e Bardhë, Lisa Monaco, gjatë një vizite në Bruksel.
Monaco u ka bërë thirrje autoriteteve belge që të bëjnë më shumë, të punojnë me agjencitë e tjera dhe të shkëmbejnë më shumë informacione për luftën kundër ISIS.
Në një seri takimesh të zhvilluara, mes të cilave me kryeministrin belg Charles Michel, zonja Monaco ka folur për një fluks xhihadistësh që kthehen në Europë të paparë më parë.
Edhe sipas Agjencisë federale gjermane të antikrimit, numri i të dyshuarve për terrorizëm që janë infiltruar mes emigrantëve të ardhur në Gjermani është më i lartë nga sa mendohej.
Sipas BKA, janë 369 sinjalizimet për persona të dyshuar dhe për 40 raste kanë nisur tashmë hetimet gjyqësore.
E njëjta zyrë konfirmon se rreziku për atentate në Europë dhe sidomos në Gjermani është shumë i lartë. “Sulme të reja nga celulat terroriste islamike nuk mund të përjashtohen”, ka deklaruar BKA.
Top Channel
