Mbetjet urbane po helmojnë Durrësin
27/04/2016 00:00
Murtaja vrau mbi 1 mijë bagëti, sëmundja përhapet në 6 bashki, e pranishme në 8 vatra 17/06 19:47
Vendgrumbullimi i mbetjeve urbane në Porto Romano të Durrësit është kthyer në një bombë ekologjike. Nga djegja në natyrë e tyre, përfshirë goma dhe plastikë, emëtohen gazra toksike mjaft të dëmshëm, ndërsa institucionet publike vijojnë të jenë të pafuqishme për të ndryshuar këtë realitet.
Sipas kryeinspektorit te Mjedisit Jurgen Dashi, ankesat e shumta të qytetarëve marrin zgjidhje vetëm me ndërtimin e landfillit te ri.
Buxhetet e bashkive Durrës, Shijak dhe Krujë nuk mund të përballojnë projektet për landfillet. Kompania italiane që fitoi tenderin e Ministrisë së Mjedisit për ndërtimin e landfillit në Manzë, nuk ka gjetur as mbështetjen e Bashkisë së Durrësit, për të shlyer detyrimet për çdo ton mbetjesh.
Bashkia e Durrësit shpenzon rreth 50 mijë euro në vit për mbetjet, ndërsa me futjen në punë të landfillit të Manzës depozitimi dhe përpunimi i mbetjeve llogaritet që kërkon një fond prej 2 milionë eurosh në vit.
Top Channel
