Në qytetin e Lushnjes u inaugurua të martën Qendra për Zhvillim. Një qendër e re që do jetë në shërbim të personave me aftësi të kufizuar në këtë qytet.
Ministri i Mirëqënies Sociale dhe Rinisë, Blendi Klosi deklaroi se qendra të tilla do të shtrihen në të gjithë territorin e vendit, në kuadër të reformës së thellë të nisur nga ministria që ai drejton për aftësinë e kufizuar.
“Në vendin tonë kemi shumë pak qendra të tilla si kjo që po inaugurojmë sot. Duhet një përpjekje nga e gjithë shoqëria dhe komuniteti i biznesit në mbështetje të këtyre grupeve shoqërore. Nuk vlen vetëm shpërblimi financiar. Riintegrimi është zgjidhja. Duhen qendra trajnuese dhe riaftësuese që në moshë të vogël”, tha Klosi.
Top Channel
