“Parajsa ka një playmaker të ri”
25/03/2016 00:00
E kryer/ Interi plotëson dëshirat e Lautaros, detajet e rinovimit 19/04 13:57
Barcelona e ka ulur në gjysmështizë flamurin para stadiumit “Camp Nou”, ndërkohë që lojtarë nga të gjitha moshat kanë mbajtur një minutë heshtje për nder të legjendës Johan Cruyff, i cili ndërroi jetë ditën e enjte.
Një minutë heshtje kanë mbajtur para startit të ndeshjes edhe Fejnordi me Sparta Roterdamin. Ndeshja është ndalur edhe njëherë në minutën e 14, ku i gjithë stadiumi i ngritur në këmbë ka duartrokitur ish-legjendën e futbollit holandez.
Ndarja nga jeta e lojtarit që revolucionarizoi futbollin, u pasqyrua pothuajse në të gjitha të përdishmet sportive dhe josportive. Holandezja “De Telegraaf” publikoi në faqe të parë një foto të Cruyff me fanelën e përfaqësueses, ndërsa në faqen tjetër një letër e firmosur nga të gjithë gazetarët nën titullin: Lamtumirë Johan dhe faleminderit për spektaklin e dhuruar.
Titulli i spanjolles El Mundo Deportivo ishte: “Drithëruese: Njeriu që revolucionarizoi Barcelonën u nda nga jeta në moshën 68-vjeçare.
Marca del me titullin: Cruyff, Gjeniu që rishpiku futbollin, ndërsa As shkruan: Frymëzuesi i madh u largua prej nesh.
Një titull akoma më impresionues ishte ai britanikes The Sun: “Parajsa ka tashmë një playmaker të ri”.
Top Channel
