Gjykata Kushtetuese rrëzoi 8 nene nga ligji i shumëdebatuar i procedurave tatimore, i njohur ndryshe si “ligji i gjobave”.
Drafti i miratuar në muajin shtator u kontestua në Gjykatën Kushtetuese nga Shoqata për Mbrojtjen e Tregut dhe Tregtarëve.
Një prej neneve të shfuqizuara është ai që dënonte biznesin me 500 mijë lekë gjobë, nëse nuk kishte kryer përditësimin e të dhënave të adresës. Po kështu, gjykata shfuqizoi edhe nenin, që dënonte bizneset e kapura me punonjës të paregjistruar, me 500 mijë lekë gjobë herën e parë dhe i çonte për ndjekje penale nëse shkelja përsëritej.
Dy nene të tjera të rrëzuara janë ai i gjobave 10 milionë lekë për mallrat e kapura të pashoqëruara me faturë tatimore dhe kallëzimin penal të biznesit, nëse kjo shkelje përsëritej për herën e dytë.
Vendimi ka rrëzuar edhe një masë të kërkuar me ngulm nga kryeministri, atë që detyronte biznesin të afishonte një poster, i cili i tregonte blerësit të drejtën për të mos paguar për mallrat dhe shërbimet e blera, nëse nuk lëshohej kupon.
Top Channel