Roma ka treguar edhe në derbin ndaj Lazios që po kalon një formë të shkëlqyer në Serie A, duke fituar bindshëm, 4-1.
Të besuar e Luciano Spallettit nuk e vunë asnjëherë në diskutim fitoren në këtë ndeshje. Stephan El Shaarawy hapi serinë e golave duke shënuar që në minutën e 15. Pjesa e parë u mbyll me këtë rezultat, ndërsa në 45 minutat e tjera u shënuan edhe 4 gola. Në të 64-ën dyfishoi Dzeko, Parolo shkurtoi diferencën 11 minuta më pas, por vetëm kaq për Lazion. Florenzi dhe Perotti shënuan edhe dy gola të tjerë në fundin e takimit, duke e vulosur rezultatin në 1-4.
Atalanta mposhti Milanin 2-1. Kuqezinjtë kaluan në avazntazh me anë të një penalltie të kthyer në gol nga Adriano në minutën e 15, por vendasit përmbysën gjithçka. Pinila shënoi një super gol një minutë para përfundimit të pjesës së parë, ndërsa Gomez realizoi edhe golin e dytë për Atalantën.
Në mesditë, Napoli gaboi në Udine, duke u mundur 3-1. Një rezultat që i largon napolitanët në 6 pikë nga Juventusi kryesues. Ekipi i Sarrit në këtë ndeshje mori edhe një goditje tjetër, pasi sulmuesi kryesor i tyre, Higuain, u ndëshkua me të kuqe.
Me fitoren e marrë këtë të diel Roma konsolidon vendin e tretë në renditje, i cili të çon në Champions, ndërsa i afrohet edhe Napolit në 4 pikë diferencë.
Milani mbetet në kuotën e 49 pikëve në vendin e 6, duke e bërë shumë më të vështirë një vend në Europa League sezonin e ardhshëm, megjithëse kuqezinjtë pretendojnë që ta sigurojnë atë nga Kupa e Italisë.
Top Channel
