Greqia konfirmohet si vendi i tifozërisë më gjaknxehtë. Këtë radhë protagonistë në aspektin negativ u bënë ata të PAOK-ut të Selanikut në ndeshjen gjysmëfinale të Kupës me Olympikakos e cila u pezullua.
Dhuna në këtë përballje nisi në momentin kur arbitri nuk akordoi një 11-metërsh për PAOK-un që ishte në disavantazhin 1-2 ndaj Olympiakos. Tërbimi i tifozëve vendas ishte shumë i madh aq sa filluan të hedhin flakadanë në fushën e lojës.
Policia ndërhyri dhe u përpoq që të qetësonte situatën, por gjendja u përkeqësua pasi disa tifozë arritën deri aty sa të hynin në fushën e lojës për t’u përleshur me forcat e rendit, ndërkohë që arbitri dhe skuadrat kishin hyrë në dhomat e zhveshjes për të mos u kthyer më në fushën e lojës.
Për Olympiakos duket e padiskutueshme fitorja në tavolinë e kësaj ndeshjeje.
Top Channel