Kakavijë, arrestohet doganieri për korrupsion pasiv

03/03/2016 09:20

Një doganier në Kakavijë është arrestuar në flagrancë me akuzën e korrupsionit pasiv. Bëhet fjalë për 48-vjeçarin Mehmet Shehu, banues në Memaliaj.

Ky shtetas është arrestuar pasi 52-vjeçari me iniciale P.H., 52 vjeç, ka bërë kallëzim se në parkimin e doganës ky doganier i ka kërkuar dhe i ka marrë nëpërmjet presionit një shumë prej 100 eurosh për të mos kryer procedurat doganore për 225 fidanë hardhi dhe 62 fidanë limon, portokall dhe mandarina, të cilat i kishte të ngarkuara në mjetin e tij.

Doganieri, pasi i ka marrë eurot, nuk i ka dhënë asnjë dokument doganor shtetasit P.H., por i ka thënë që je në rregull dhe se e kishte regjistruar. Nga verifikimet e kryera nga ana e policisë, rezultoi që doganieri nuk kishte kryer asnjë veprim duke përvetësuar shumën e eurove.

Top Channel