Manchester City kërkon të mbajë Kun Agueron në skuadër deri në fundin e karrierës së tij.
Sulmuesi argjentinas është vënë në shënjestrën e disa prej klubeve më të rëndësishme europiane dhe kjo i shtyn drejtuesit e Citizens që të mendojnë për ta mbajtur atë në “Etihad Stadium” përjetë.
Sipas asaj që publikohet te tabloidi “The Sun”, drejtuesit e Manchester City po përgatisin një kontratë që e lidh futbollistin me ta deri në momentin kur ai të deklarojë tërheqjen nga aktiviteti.
“The Sun” bën të ditur se pas sulmuesit argjentinas janë dy gjigandët spanjollë Real Madrid e Barcelona dhe Manchester City kërkon të përshpejtojë këtë rinovim të argjentinasit në pritje të ardhjes në pankinë të trajnerit Pep Guardiola.
Top Channel
