Vlorë, djali qëllon disa herë me thikë babain e tij
21/02/2016 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një ngjarje e rëndë është shënuar mesditën e së dielës në qytetin e Vlorës, ku djali ka qëlluar disa herë me thikë babain e tij.
Burime nga policia kanë bërë të ditur se rreth orës 13:30, shtetasi Ervin Ismaili, 33 vjeç, është konfliktuar fizikisht me babain e tij, shtetasin Sh.I. 71 vjeç, duke e goditur në trup disa herë me një mjet mprehës “thikë”.
Mësohet se autori është i sëmurë mendor dhe konflikti ka ndodhur për motive të dobëta në banesën e tyre, në katin e 4-ët, të një pallati në lagjen “24 Maji” ose ndryshe e quajtur lagja “Çole”.
Policia shoqëroi në ambientet e policisë autorin e ngjarjes dhe ka bërë arrestimin e tij në flagrancë për veprën penale “Plagosje për shkak të marrëdhënieve familjare, e mbetur në tentativë”.
Ndërkohë, 71-vjeçari është dërguar menjëherë në Spitalin Rajonal të Vlorës dhe ndodhet në reanimacion.
Top Channel
