Nga një gol për çdo pjesë në “Signal Iduna Park” dhe një skuadër pretendente si Porto rrezikon seriozisht eliminimin nga Europa League. Borussia e Dortmundit ia doli të ruajë të paprekur rrjetën e saj në ndeshjen ndaj luzitanëve duke dnëshkuar ekipin mik dy herë e duke marrë supremacinë në “play-off”-in e Europës së “vogël”.
Një gol i hershëm i Lukas Piszczek prishi ekulibrat, dnërsa Marko Reus i siguroi gjermanëve një avantazh komod për sfidën e dytë në Portugali. Goditja e devijuar e sulmusit mashtroi edhe një portier veteran si Iker Casillas.
Surpriza e madhe ka ardhur në Danimarkë kur një ekip modest si Midtjylland ia doli të rrëzoi një gjigand si Manchester United. Ferri për trajnerin Van Gaal në ditët e tij të fundit në pankinën e “djajve të kuq” u materializua pas golave të Sistos dhe Onuachu me këtë të fundit nga distanca. Për ekipin anglez nuk vlejti aspak rrjeta e sakrificës nga Depay edhe pse në kthim mjafton një sukses 1-0 për t’u kualifikuar.
Fiorentina barazoi 1-1 kundër Tottenhamit në stadiumin “Artemio Franchi”, por goli i pësuar në shtëpi e penalizon jo pak ekipin italian. Chadli i dha avantazhin londinezëve me penallti, ndërsa goditja e devijuar e Bernardeschi barazoi për ekipin pritës. Kthimi në “White Hart Line” do të vendos të mbijetuarin në këtë turne.
Një gol fantastik i Suarez mjaftoi për të kaluar në delir tifozët e Villarealit që marrin kështu supremacinë kundër Napolit. Sfida e barazpeshuar në “El Madrigal” u vendos nga perla e cila erdhi nag një goditje dënimi e që nuk u ndal, sa nga traversa, as nga portieri mik.
Festim i ligjshëm edhe për trajnerin shqiptar Besnik Hasi në pankinën e Anderlechtit. Formacioni belg i drejtuar nga gjakovari iu imponua 1-0 me golin e Mbodji ndaj rivalëve grek të Olimpiakosit, por këto shifra e lënë ende pezull kualifkimin për në Europa League.
Ndërkohë, Sevilla hipotekon kualfikimin që në ndeshjen e parë, pasi fitoi 3-0 ndaj modestëve të Molde, ndërsa Baseli i Taulant Xhakës humbi në Francë ndaj St. Etienne 3-2.
Në ndeshjen e orës 21:05 bie në sy fitorja e thellë e Valencias, e cila mposhti në fushën e saj Rapidin me rezultatin 6-0.
Ndërsa nuk ja ka dalë të fitojë Liverpool-i në Gjermani ndaj Augsburgu-t, në ndeshjen që u mbyll pa gola.
Një hap të rëndësishëm drejt raundit tjetër hodhën gjermanet e Leverkusen-it, duke fituar në transfertë 0-1 ndaj Sporting, kundërshtar i Skënderbeut në fazën e grupeve të këtij kompeticioni.
Rezultatet e ndeshjeve të orës 19:00
Anderlecht – Olympiakos 1-0
Dortmund – Porto 2-0
Fiorentina – Tottenham 1-1
Midtjylland – Man. United 2-1
Sevilla – Molde 3-0
St. Etienne – Basel 3-2
Villarreal – Napoli 1-0
Rezultatet e ndeshjeve të orës 21:05
Augsburg – Liverpool 0-0
Galatasaray – Lazio 1-1
Marseille – Athletic Bilbao 0-1
Shakhtar Donetsk – Schalke 0-0
Sion – Braga 1-2
Sparta Prague – FC Krasnodar 1-0
Sporting CP – Bayer Leverkusen 0-1
Valencia – Rapid Wien 6-0
Top Channel
