Komentet e Aurier, Blanc: Është për keqardhje

“Reagova shumë keq. Ne jemi të gjithë të lirë të kemi mendimet tona, por për atë djalosh, para dy vitesh, u angazhova personalisht që të transferohej tek Parisi prandaj ajo çfarë ka thënë është për të ardhur keq”, u shpreh Blanc.

Ai nuk ka pranuar të përgjigjet në pyetjet tjera që lidhen me incidentin e së shtunës mbrëma, por ka deklaruar se Aurier duhej të ishte duke u përgatitur për Chelsean në vend se të qëndronte në shtëpi.

“Ai penalizoi veten. Ai duhej të ishte duke u përgatitur për Chelsean, për një ndeshje ne një kompeticion ku të gjithë duan të luajnë në vend se të qëndronte në shtëpi duke mos ditur çfarë të bëjë. Ai është i lirë të bëjë zgjedhjet e tij”, vijoi Blanc.

PSG e ka pezulluar mbrojtësin Aurier ndërsa mediat franceze flasin për një gjobë prej 75 mijë paundësh, por gjithsesi e ardhmja e tij në klubin parizies është vënë në pikëpyetje.

Aurier e përshkroi trajnerin Blanc si një homoseksual që kishte marrëdhënie intime me sulmuesin Zlatan Ibrahimovic. Ndërsa për portierin Sirigu ai tha se ishte i padobishëm dhe i mbaruar.  Mbrojtësi 23-vjeçar ka kërkuar publikisht falje për fjalët e tij.

Top Channel