Renditja e FIFA-s, kombëtarja ngjitet në vendin e 36
04/02/2016 11:50
Derbi do luhet me tifozë, FSHF “fal” me llogari Tiranën para Partizanit 25/11 16:26
Kombëtarja shqiptare fiton dy pozicione në renditjen e FIFA-s për këtë muaj. Edhe pse pa zhvilluar asnjë ndeshje, skuadra kuqezi e Gianni De Biasit e sheh veten në vendin e 36 në këtë klasifikim të qeverisë së futbollit botëror, në kuotën e 746 pikëve.
Skuadra shqiptare këtë radhë u favorizua në fitimin e këtyre pozicioneve nga humbjet e pikëve të disa skuadrave të tjera, që një muaj më parë ndodheshin sipër saj.
Përsa u përket kryesuesve, edhe këtë muaj nuk ka asnjë ndryshim. Belgjika vazhdon që të ruajë vendin e parë me 1494 pikë, e ndjekur nga Argjentina në vendin e dytë dhe Spanja në të tretin. Klasifikimi vijon me skuadrën kampione të botës, Gjermaninë në vendin e katërt dhe Kilin në të pestin.
Austria, me të cilën kombëtarja jonë do të luajë miqësore në 26 mars është në vendin e 10 në klasifikimin e FIFA-s, duke lënë disa pozicione pas vetes skuadra të tilla si Holanda dhe Italia, që gjenden respektivisht në vendin e 14 dhe të 15.
Top Channel
