Kreu i Bashkisë së Vlorës, Dritan Leli ka prezantuar publikisht këtë të shtunë buxhetin që pritet të miratohet brenda janarit në Këshillin Bashkiak.
Këtë vit duket se i është kushtuar vëmendje e veçantë investimeve në infrastrukturë, zë i cili mbulon edhe përqindjen më të lartë të investimeve. Buxheti është parashikuar të kapë shifrën e 1.5 miliardë lekëve.
Administrata e bashkisë i ka kushtuar vëmendje dhe prioriteteve të komunave, ku pritet që gjatë këtij viti të ndërhyhet në rikonstruksione të qendrave shëndetësore, shkollave, kanalizimeve dhe sistemeve të vaditjes.
Top Channel
