Pogradec, furgoni përplaset me veturën, një i vdekur
04/01/2016 17:35
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një person ka gjetur vdekjen dhe gjashtë të tjerë janë plagosur si pasojë e një aksidenti të rëndë rrugor të ndodhur gjatë orëve të pasdites së të hënës në aksin rrugor që lidh qytetin e Pogradecit me Korçën.
Sipas policisë së Korçës, aksidenti ka ndodhur në afërsi të fshatit Leshnicë, ku një automjet furgon me targa AA023EG është përplasur me një automjet tip Audi me targa AA479MG.
Si pasojë e përplasjes shtatë persona kanë mbetur të plagosur. Ata janë zhvendosur me shpejtësi drejt spitalit rajonal të Pogradecit, ku fatkeqësisht njëri prej tyre, i identifikuar si Martin Duro, 30 vjeç, nga Podgoria, ka ndërruar jetë.
Policia ka mbërritur në vendin e ngjarjes dhe ka nisur hetimet për zbardhjen e dinamikës së plotë të saj.
Top Channel
