Pas fakteve të paraqitura nga Marin Mema në “Shqipëria Tjetër”, në Top Channel, PDIU ka kërkuar nisjen e procedimit penal për nxitje të urrejtjes etnike.
Në një deklaratë për shtyp, PDIU e quan skandaloze dhe shokuese përdorimin e Universitetit të Gjirokastrës si vatër e propagandës antishqiptare.
“Ato vërtetojnë se shumëçka nuk po funksionon në institucionet e vendit tonë: dekanati dhe rektorati i Universitetit të Gjirokastrës, që duhet të udhëhiqnin jetën akademike; Ministria e Arsimit që duhet t’i mbikqyrte dhe prokuroria e rrethit që duhet të niste procedim penal për nxitje të urrejtjes etnike. Partia Drejtësi, Integrim dhe Unitet u bën thirrje të gjithë përgjegjësve të mbajnë përgjegjësitë individuale”, thuhet në deklaratën e PDIU-së.
Top Channel
