Pa drita dhe pa punë, kultivuesi i duhanit në varfëri ekstreme

17/12/2015 00:00

Familja e Xhemali Myzyrit në fshatin Shtëmanjë, Bashkia Elbasan, prej më shumë se dy muaj jeton pa energji elektrike. Në kushte të vështira ekonomike, familja prej 7 personash, mes të cilëve 2 fëmijë i është dorëzuar errësirës, pasi nuk ka asnjë mundësi të paguajë borxhin nga OSHEE.

Kryefamiljari tregon se të gjitha shpresat i kishte tek tregtimi i duhanit, por pasi atë ua sekuestruan pa asnjë procesverbal, për këtë familje s’ka asnjë shpresë.

Në të njëjtën situatë ndodhen edhe dhjetëra familje të tjera në këtë zonë të cilave pasi u sekuestruan duhanin mbetën pa asnjë mjet jetese. Edhe pse ndodhet shumë pranë Elbasanit, në këtë fshat nuk ka pasur kurrë rrugë automjetesh dhe e vetmja kulturë që kultivohet është duhani. Vendimi për sekuestrimin e tij i la këto familje në mëshirë të fatit.

Top Channel