Elbasan, ndërhyn policia; parandalohet degradimi i konfliktit

15/12/2015 13:05

Agjentë të sektorit të krimeve në policinë e Elbasanit kanë arrestuar në orët e fundit një 36-vjeçar të përfshirë në një konflikt fizik me një person tjetër, duke parandaluar degradimin e përplasjes mes tyre.

Sipas një njoftimi për shtyp të drejtorisë lokale të policisë, në pranga ka përfunduar shtetasi Gëzim Gjoshi, i cili ka kanosur me armë të ftohtë një person tjetër.

Sipas njoftimit, pas marrjes së sinjalizimit, uniformat blu kanë mbërritur në vendin e ngjarjes duke bërë të mundur neutralizimin e agresorit dhe duke shmangur kështu degradimin e sherrit.

Në cilësinë e provës materiale në vendin e ngjarjes është sekuestruar arma e 36-vjeçarit, një thikë, ndërsa po mblidhen dëshmitë e personave përreth.

Top Channel