Protesta, Bashkia e Tiranës gjobit PD-në për dëmet e shkaktuara
08/12/2015 00:00
Rithemelimi me molotov para Bashkisë së Tiranës, Basha: Të vesh Metën në ballë që bën si supermen, me thirrje antikorrupsion, është autogol 24/04 11:42
Protesta e zhvilluar gjatë kësaj të marte në kryeqytet nga opozita ka kaluar mes tensionesh e ngjarjesh të dhunshme, të cilat janë dënuar nga Shtetet e Bashkuara dhe Bashkimi Europian, ashtu sikurse u dënuan edhe nga vet kryeministri Rama në reagimin e tij në rrjetin social Facebook.
Megjithatë, e gjithë kjo ngjarje që kaploi kryeqytetin dhe paralizoi një pjesë të mirë të jetës së qytetarëve, disave prej frikës për dhunë e disave prej bllokimit në trafik të rënduar rrugor, ka edhe momentet që të rikthejnë disi humorin.
Për herë të parë në histori, kryebashkiaku i Tiranës Erion Veliaj ka ndërmarrë një masë ndëshkimore, pas vlerësimit të dëmeve të shkaktuara gjatë protestës së sotme, që zgjati vetëm 5 orë.
Në një tabelë, ku janë përpiluar një më një të gjitha dëmet e shkaktuara, kostoja e dëmit të vlerësuar nga Bashkia e Tiranës shkon deri në 16,37 mln lekë, shumë të cilën kreu i Partisë Demokratike, Lulzim Basha detyrohet ta paguajë brenda 7 ditësh, sigurisht në emër të institucionit të tij.
“Gjoba” vjen gjithashtu edhe me një paralajmërim për bllokim të llogarive bankare të subjektit politik PD, nëse shuma nuk paguhet brenda 30 ditësh.
Top Channel
