15-vjeçari i qëlluar nga babai i tij rrezikon jetën
01/12/2015 11:30
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Gjendja shëndetësore e 15-vjeçarit të plagosur nga babai i tij në ngjarjen e ndodhur në fshatin Pojan të Korçës, mbrëmjen e së hënës, është përkeqësuar.
I riu P.Nako ka lënë spitalin e Korçës dhe është nisur drejt Tiranës për të marrë një mjekim më të specializuar.
Adoleshenti u qëllua me armë zjarri mbrëmjen e së hënës nga babai i tij, Romeo Nako. Ky i fundit ka shkrepur armën në gjendje të dehur duke e goditur djalin e tij në këmbë.
Vonesa në dhënien e ndihmës së shpejtë kanë bërë që gjendja e 15-vjeçarit të përkeqësohet nga gjakrrjedhja.
Ndërkohë, policia që kishte mbërritur më herët në vendngjarje, ka shoqëruar autorin e këtij krimi në familje dhe ka nisur hetimet për të mësuar rrethanat e kësaj plagosjeje, pasi ka bllokuar edhe armën e zjarrit me të cilën është kryer krimi.
Paraprakisht dyshohet se Romeo Nako ka shkrepur armën në drejtim të djalit të tij në momentin që ky i fundit ka ndërhyrë në përpjekje për të shuar një zënkë mes dy prindërve të tij.
Top Channel
