De Biasi: Ishte një ndeshje e çuditshme

16/11/2015 22:25

Një ndeshje e çuditshme. Kështu është cilësuar miqësorja që Shqipëria barazoi 2-2 me Gjeorgjinë nga De Biasi.

Italiani tha se lojtarët tanë pësuan një goditje të rëndë pas golit të parë, të shënuar vetëm pas 2 minutave nga gjeorgjianët dhe më pas ishte e vështirë për ta që të organizonin lojën. “Ky ekip do një kundërshtar të madh përball për t’u motivuar”, tha De Biasi.

Ai u shpreh se barazimi ka mjaft vlera, pasi do t’i kthejë lojtarët me këmbë në tokë dhe mobilizimi në ndeshjet e ardhshme do të jetë më i lehtë për ta.

“Lojtarët duhet të jenë të përqendruar për të përmirësuar defektete. Duhet të japim zemrën në fushën e lojës për të arritur rezultate maksimale”, tha italiani.

Për sa i përket skemave të provuara në këtë takim, De Biasi tha se ato nuk kanë dhënë rezultatin e pritur.“Provuam disa skema sulmuese, por gjithmonë ishim me vonesë dhe nuk është se dhënë ndonjë rezultat të madh.

Top Channel