Dhjetëra tregtarë, të cilët prej vitesh zhvillojnë aktivitetin në tregun maqedonas në Korçë, me shitjen e rrobave, kanë nisur heqjen e tendave apo elementëve të tjerë të tregtimit, pas kërkesës së bashkisë për lirimin e hapësirave publike.
Për vite të tëra, ky treg që ka funksionuar në mënyrë kaotike është lënë jashtë vëmemdjes dhe investimeve, por së fundmi projekti i bashkisë për rikonstruksionin e fasadave ka bërë, që të merren masat e para.
Aksioni i nisur prej orëve të para të mëngjesit të kësaj të mërkure synon, që këta tregtarë të cilët abuzivisht kishin zaptuar trotuaret, të vazhdojnë aktivitetin e tyre brenda territorit të përcaktuar dhe dyqaneve të tyre.
Sipas të dhënave, në këtë treg ushtrojnë aktivitetin rreth 75 subjekte, 42 prej të cilave që në momentin e parë kanë hequr vullnetarisht tendat dhe kanë liruar hapësirat e zaptuara.
Top Channel
