Gjatë vizitës së tij në SHBA, kreu i Kuvendit Ilir Meta është takuar me drejtorin rajonal për Europën Qendrore dhe Lindore të Institutit Demokratik Amerikan (NDI), Robert Benjamin.
Në takim u vlerësua kontributi i rëndësishëm që NDI ka në Shqipëri si dhe bashkëpunimin e këtij institucioni me Kuvendin në fusha të rëndësishme, siç janë transparenca dhe funksionimi i Parlamentit.
Meta theksoi rëndësinë që ka roli dhe kontributi i NDI-së në përmirësimin e punës së Parlamentit përmes trajnimeve të administratës, dhe përmirësimit të kuadrit legjislativ. NDI-ja ka luajtur një rol të veçantë edhe në rritjen e bashkëpunimit të parlamenteve të vendeve të rajonit.
Benjamin nga ana e tij, vlerësoi bashkëpunimin e deritanishëm me shqiptar dhe me shërbimet e tij, dhe shprehu angazhimin e organizatës që përfaqëson për të bashkëpunuar më tej dhe çuar përpara disa procese të rëndësishme.
Top Channel
