Interi nuk arriti dot të përfitojë nga humbja e Fiorentinës për të marrë kryesimin në Serinë A. Në San Siro, “Derbi i Italisë” me Juventusin përfundoi me barazimin 0-0, duke bërë që zikaltërit të shohin veten në vendin e tretë, me 17 pikë. Pas përfundimit të takimit, trajneri Roberto Mancini u shfaq disi nervoz kur deklaroi se ky rezultat ishte i pranueshëm.
“Ky barazim është një rezultat që pranohet kur arrihet në përballje të tilla. Mund të them se mbrojtësit tanë u treguan më të zotë. Sigurisht, patëm shanset tona për të shënuar, por edhe mund ta kishim pësuar në 2 raste nga gabimet e kryera”, deklaroi Mancini.
Ndërsa trajneri Massimiliano Allegri theksoi se te Juventusi ka ende vend për përmirësim, por shtoi se skuadra e tij i ka mundësitë që të reduktojë diferencën e pikëve me ekipet kruesuese.
“Rezultati me Interin tregon se do të jetë e pamundur për të përmbysur këtë diferencë pikësh me kryesuesit në 10 ndeshje, por deri në periudhën e Krishtlindjeve do ta kemi reduktuar diferencën e pikëve”, deklaroi trajneri i kampionëve në fuqi të Italisë.
Top Channel
