F1, Vettel fiton Çmimin e Madh të Singaporit
19/09/2015 00:00
Ndëshkohej qëllimisht për të pasuruar miqtë, mbrojtësi spanjoll vihet në pranga, rrezikon 3 vite burg 15/01 15:59
Sebastian Vettel ka fituar Çmimin e Madh të Singaporit, duke arritur në finish me kohën 2 orë 1 minutë e 22 sekonda e 118 të qindtat. Gjermani arriti një ditë më parë kohën më të mirë në provat zyrtare, ndërsa e mbajti vendin e parë duke zhvilluar një garë fantastike.
Kjo ishte fitoja e 42 e Vettel në Formula 1, duke u radhitur i treti në histori pasi kaloi Ayrton Senna-n, i cili kishte 41 fitore. Para tij janë vetëm Michael Schumacher dhe Alain Prost.
Po ashtu si një ditë më parë, podiumi kësaj gare u arrit të mbahet po nga pilotët që morën vendin e dytë dhe të tretë në provat zyrtare. Daniel Ricciardio dhe Kimi Raikkonen u renditën përkatësisht i dyti dhe i treti.
Ndërkohë, në këtë garë zhgënjeu kampioni botëror, britaniku Lewis Hamilton, i cili u tërhoq nga gara për shkak të problemeve me makinën.
Piloti i tjetër i Mercedes, i cili në renditjen e përgjithshme mban vendin e dytë, Nico Rosberg, zuri vendin e katërt. Ndërsa, Bottas u rendit i pesti dhe Kvyat me Red Bull në vendin e 6-të.
Pas kësaj gare Mercedes mban vendin e parë për konstruktorë me 463 pikë, ndërsa pas tij Ferrari me 310 pikë.
Top Channel
