Sërish Hamilton, britaniku më i shpejti edhe në Hungari
25/07/2015 00:00
Egnatia përmbys Laçin, rrogozhinasit me tjetër “marsh” në pjesën e dytë 20/04 17:02
Lewis Hamilton mori ‘pole position’ e radhës duke mbyllur më shpejt nga të gjithë provat zyrtare në garën për Çmimin e Madh të Hungarisë.
Piloti britanik regjistroi kohën 1 minutë 22 sekonda e 408 të mijëtat duke lënë pas vetes, ashtu siç ka ndodhur shpesh në këtë kampionat të Formula 1, kolegun e tij të Mercedes, Nico Rosberg.
Si për të plotësuar “deja vu”-të, i treti u rendit Sebastian Vettel me Ferrarin e tij, ndërsa shoku i tij i skuadrës, Kimi Raikonen nuk shkoi më shumë sesa vendi i pestë.
Ky ishte ‘pole postion’ i nëntë për Leëis Hamilton nga 10 të tillë këtë kampionat. Piloti britanik nuk ka mundur të marrë vendin e parë vetëm në garën për Çmimin e Madh të Spanjës.
Gara për Çmimin e Madh të Hungaris zhvillohet ditën e dielë në orën 14:00 dhe transmetohet drejtpërdrejtë në Top Channel.
Top Channel
