Çështja “Uber” do të diskutohet në Gjykatën për Drejtësi të BE-së. Një gjyqtar spanjoll i ka kërkuar Gjykatës të shprehet mbi disa çështje lidhur me “luftën” e nisur mes taksistëve privatë në shumë shteteve të BE-së.
Për shembull, gjykata duhet të shprehet nëse bëhet fjalë për një shërbim të transportit, apo një furnizues i shërbimeve dixhitale. Ndryshimi do të përcaktojë të ardhmen e aplikacionit më të dashur, duke pasur parasysh se nëse Gjykata e BE-së do të vendoste se bëhet fjalë për një furnizues shërbimesh, do të binte konkurrenca me taksistët.
Lajmi për marrjen e çështjes nga gjykata është bërë të hënën nga një prej drejtuesve të saj, Mark MacGann, gjatë një telekonference me gazetarët. MacGann ka shpjeguar se një gjykatës i Barcelonës i është drejtuar asaj të BE-së pas një çështje të paraqitur kundër Uber, nga pjesa më e madhe e operatorëve të taksive të qytetit.
“Kjo do të thotë se gjykata e Luksemburgut tashmë do të vendosë nëse rregullat kombëtare që për momentin aplikohen në shërbime dixhitale si Uber, janë në përputhje me ligjet e BE-së”, ka thënë MacGann.
Top Channel
