Buffon: Kemi pak shanse për fitoren në Berlin
01/06/2015 00:00
VIDEO/ Përballjet në Europa League, Roma mposht Milanin me një lojtar më pak! Atalanta eleminon Liverpool-in 18/04 22:50
Gianluigi Buffon, portieri i Juventusit, ka deklaruar në një intervistë për uefa.com se mundësitë që ka skuadra e tij për të fituar Ligën e Kampioneve ndaj Barcelonës janë të pakta.
“Ndaj Realit kishim 35% mundësi për të kaluar, ndërsa ndaj Barcelonës mendoj se kemi edhe më pak. Jemi të ndërgjegjshëm që nuk jemi favoritë dhe nuk kemi pse e mohojmë”, theksoi kapiteni i bardhezinjve.
Portieri i kampionëve të Italisë shtoi se ka respekt për futbollistët e Barcelonës, por ai dhe shokët e tij do të bëjnë gjithçka të mundur për t’ia vështirësuar takimin yjeve të kampionëve të Spanjës.
37-vjeçari do të kthehet në stadiumin e Berlinit 9 vite pasi po në këtë stadium ngriti Kupën e Botës me Italinë.
“Kam kuriozitet të shoh nëse do të kem të njëjtat ndjesi dhe emocione”, tha Buffon.
Top Channel
