Policia arreston autorin e vrasjes në Kashar
18/05/2015 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Rreth 18 orë pasi vrau babain e vajzës me të cilin kishte qenë i fejuar dy vite me parë dhe plagosi nënën e saj në banesë, policia e kryeqytetit, e ndihmuar dhe nga Forcat e Ndërhyrjes së Shpejtë, arrestoi autorin Altin Aluku, 38 vjeç, nga Kashari.
Burime të policisë thanë se Altin Aluku u kap pranë fshatit Prush, rreth orës 03.20 minuta. Mësohet se gjatë arrestimit, Aluku nuk ka bërë rezistencë ndaj efektivëve të policisë.
Ndërkohë, gjatë orëve të mbrëmjes së të dielës u arrestua edhe babai i autorit të vrasjes, Skënder Aluku, pasi gjatë një kontrolli të ushtruar në banesë iu gjetën dhe sekuestruan 170 fishekë.
Altin Aluku vrau mëngjesin e së dielës ish-vjehrrin e tij, Lutfi Xhaferrin, 56 vjeç, dhe plagosi bashkëshorten e tij, Naimen, 55 vjeçe, e cila pas marrjes së ndihmës së nevojshme, ndodhet jashtë rrezikut për jetën.
Top Channel
